Fakira #1 - Akela Chal

Akela Chal

Ye dar badar ki thokare
Kehta hai waqt ab rok le
Khud hi ko ab to jhonk le
Khud hi ki talaash me

Zinda rahega tu agar
Chalta rahe iss rah par
Duniya ki sooni dagar
Peeche apne chhod ke

Kyon ruka hai tu abhi
Saath na mila kabhi
Dil rookhe yaha sabhi
Akela tu nikal kahi

Ab chal akela
Aye fakira
Bekhud apne aap se
Khela hai tu kabhi

Aye fakira
Ab chal akela
Duniya ko tu aap se
Juda kar le abhi

Aye fakira … chal akela
Chal akela … aye fakira

Tu janta hai teri raah
Dekhne ki naa hai chaah
Khone par naa hogi aah
Teri fikr hai kise yaha

Tu lakh roye thake haare
Na samajh tu o bechare
Koi lega tujh ko bhare
Apni baahon me yaha

Uss ashure pyar ko chhod ke
Rukh hawa ka mod ke
Paron ko khud se oodh ke
Akela tu nikal kahi

Ab chal akela
Aye fakira
Bekhud apne aap se
Khela hai tu kabhi

Aye fakira
Ab chal akela
Duniya ko tu aap se
Juda kar le abhi

Aye fakira … akela

Chal akela … aye fakira

-x-x-x-

Fakira is a series of poems featuring a lone traveler on a wayward journey. The poems deal more with an insight onto the traveler's mind rather than perspectives about the journey itself.

-x-x-x-

© Parched For Rain

Other Poems of the Fakira Series @ Parched For Rain

Manzile || Jeet || Annt Ka Khwab